सूरदास की काव्य भाषा की विशेषताएं बताइए |

सूरदास की काव्य भाषा

सूरदास की काव्य भाषा

जैसे राखहु तैसें रहौ। 

जानत हो दुख सुख सब जन के मुख करि कहा कहौं । कबहुँक भोजन लहौं कृपानिधि कबहुँक भूख सहौं। कबहुँक चढौं तुरंग महागज कबहुँक भार बहौं। 

कमल नयन घन स्याम मनोहर अनुचर भयौ रहौं । 

सूरदास प्रभु भक्त कृपानिधि तुम्हारे चरन गहौं ।।

अबिगत गति कछु कहत न आवै । 

ज्यों गूंगे मीठे फल कौ रस अंतरगत ही भावें । 

परम स्वाद, सबही सु निरंतर अमित तोष उपजावै। 

मन बानी कौं, अगम अगोचर सो जानै जो पावै।। 

रूप रेख गुन जाति जुगति बिनु निरालंब कित धावै । 

सब बिधि अगम बिचारहिं तारौं सूर सगुन पद गावै ।।

मैया मैं नहि माखन खायौ। 

ख्याल परै ये सखा सबै मिलि मेरै मुख लपटायौ ।। 

देखि तुही सींके पर भाजन ऊँचे धरि लटकायौ । 

तुही निरखि नान्हे कर अपनैं मैं कैसें करि पायौ ।। 

मुख दधि पॉछि बुद्धि इक कीन्ही दोना पीठि दुरायौ। 

डारि साँटि मुसुकाइ जसोदा स्यामहिं कंठ लगायौ। 

बाल बिनोद मोद मन मोह्यौ भक्ति प्रताप दिखायौ। 

सूरदास जसुमति की यह सूख सिब बिरंचि नहिं पायौ।।

खीझत जात माखन खात । 

अरुन लोचन भौंह, टेढ़ी बार बार सँभात ।। 

कबहुँ रूनझुन, चलत घुटुरुनि धूरि धूसर गात । 

कबहुँ झुकि कै अलक खैचत नैन जल भरि जात ।। 

कबहुँ तोतर बोल बोलत कबहुँ बोलत तात । 

सूर हरि की निरखि सोभा निमिष तजत न मात ।।